Ishq Di Navio Navi Bahar

Ishq Di Navio Navi Bahar

عشق دی نوّیوں نوّیں بہار

جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہَزار

عشق دی نوّیوں نوّیں بہار

جاں میں رَمز عشق دی پائی
مَینا طوطا مار گوائی
اندر باہر ہوئی صفائی
جِت وَل ویکھاں یارو یار

عشق دی نوّیوں نوّیں بہار

ہیر رانجھے دے ہو گئے میلے
بھُلّی مہر ڈھوڈیندی بیلے
رانجھا یار بُکّل وِچ کھیلے
مینوں سدھ رہی نہ سار

عشق دی نوّیوں نوّیں بہار

وید قرآناں پڑھ پڑھ تھکے
سجدے کردیاں گھس گئے متھے
نہ رب تیرتھ نہ رب مکّے
جس پایا تس نور اَنوار

عشق دی نوّیوں نوّیں بہار

پُھوک مصلّٰی بھن سٹ لوٹا
نہ پھڑ تسبیح عاصا سوٹا
عاشق کیہندے دے دے ہوکا
ترک حلالوں کھا مردار

عشق دی نوّیوں نوّیں بہار

عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کی کرنائیں شور پُکار

عشق دی نوّیوں نوّیں بہار

عشق بُھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار

عشق دی نوّیوں نوّیں بہار

Bulleh Shah
بلھے شاہ

ilmon Bas Kareen o Yaar Eko Alaf tere Darkar

ilmon Bas Kareen o Yaar Eko Alaf tere Darkar

علموں بس کریں او یار
اِکّو اَلف تیرے دَرکار

علم نہ آوے وچ شمار
اِکّو اَلف تیرے دَرکار
جاندی عمر نہیں اَتبار
علموں بس کریں او یار

پڑھ پڑھ لکھ لکھ لاویں ڈھیر
ڈھیر کتاباں چار چُفیر
گردے چانن وچ اَنھیر
پچھو راہ ؟ تے خبر نہ سار

علموں بس کریں او یار

پڑھ پڑھ شیخ مشایخ ہویا
بھر بھر پیٹ نِیندر بھر سویا
جاندی وار نین بھر رویا
ڈبا وچ اُرار نہ پار

علموں بس کریں او یار

پڑھ پڑھ شیخ مشایخ کہاویں
الٹے مسئلے گھروں بناویں
بے علماں نوں لٹ لٹ کھاویں
چھوٹھے سچے کریں اِقرار

علموں بس کریں او یار

پڑھ پڑھ نفل نماز گزاریں
اُچیاں بانگاں چانگاں ماریں
منبر تے چڑھ واعظ پکاریں
کیتا تینوں علم خوار

علموں بس کریں او یار

پڑھ پڑھ مُلاں ہوئے قاضی
اللہ علماں باجھوں راضی
ہووے حرص دنوں دن تازی
تینوں کیتا حرص خوار

علموں بس کریں او یار

پڑھ پڑھ مسئلے روز سناویں
کھانا شک شبہے دا کھاویں
دسے ہور تے ہور کماویں
اندر کھوٹ ، باہر سچیار

علموں بس کریں او یار

پڑھ پڑھ علم نجوم وَچارے
گندا راساں بُرج ستارے
پڑھے عزیمتاں منتر چھاڑے
اَبجد گنے تعویذ شمار

علموں بس کریں او یار

علموں پئے قضّئے ہور
اَکھیں والے انھّے کور
پھڑے سادھ تے چھڈے چور
دوہیں جہانیں ہویا خوار

علموں بس کریں او یار

علموں پئےہزاراں پھستے
تمبا چُک چُک منڈی جاویں
دھیلا لَے کے چُھری چَلاویں
نال قصَائیاں بوہتا پیار

علموں بس کریں او یار

بوہتا علم عزازیل نے پڑھیا
جُھگا جھاہا اوس دا سَڑیا
گل وچ طوق لعنت دا پَڑیا
آخر گیا اوہ بازی ہار

علموں بس کریں او یار

جد میں سبق عشق دا پڑھیا
دریا ویکھ وَحدت دا وڑیا
گھمن گھیراں دے وچ اَڑیا
شاہ عنائت لایا پار

علموں بس کریں او یار

بلّھا رافضی نہ ہے سنی
عالم فاضل نہ عامل جُنّی
اِکو پڑھیا علم لدّنی
واحد اَلف میم دَرکار

علموں بس کریں او یار

Bulleh Shah
بلھے شاہ

Ghoonghat Ohle Na luk Sajna

Ghoonghat Ohle Na luk Sajna

گھونگٹ اوہلے نہ لک سوہنیا
میں مشتاق دیدار دی ہاں

پردے کے پیچھے نہ چھپ سوہنیا
میں  شوق زیارت رکھتی ہوں

جانی باجھ دیوانی ہوئی
ٹوکاں کردے لوک سبھوئی
جیکر یار کرے دِل جوئی
میں تاں فریاد پَکار دِی ہاں

محبوب کی جدائی میں دیوانی ہو گئی ہوں
سب لوگ مجھے طعنے دیتے ہیں
اگر سوہنا یار میری دلجوئی کرے
میں تو دن رات دیدار کی پکار کر رہی ہوں

گھنگٹ اوہلے نہ لک سوہنیا
میں مشتاق دیدار دی ہاں

پردے کے پیچھے نہ چھپ سوہنیا
میں  شوق زیارت رکھتی ہوں

مفت وِکاندی جانّدی بَاندی
مل ماہی جِند اَینویں جَاندی
اک دم ہجر نہیں میں سہندی
میں بُلبُل اُس گلزار دی ہاں

تیرے عشق میں  بے قیمت باندی ہوں
آ مل جا کہ میری جان نکلی جا رہی ہے
میں اک پل بھی جدائی برداشت نہیں کر سکتی
میں باغ حسن کی بلبل ہوں بھلا جدا کیسے رہوں

گھنگٹ اوہلے نہ لک سوہنیا
میں مشتاق دیدار دی ہاں

پردے کے پیچھے نہ چھپ سوہنیا
میں  شوق زیارت رکھتی ہوں

Bulleh Shah
بلھے شاہ

Bhawain Jaan na Jaan Way Vairay Aa War Mere

Bhawain Jaan na Jaan Way Vairay Aa War Mere

بھانویں جان نہ جان وے، ویہڑے آ وڑ میرے
میں تیرے قربان وے، ویہڑے آ وڑ میرے

تیرے جیہا مینوں ہور نہ کوئی
ڈُھونڈاں جنگل، بیلا، روہی
ڈُھونڈاں تاں سار ا جہان وے، ویہڑے آ وڑ میرے
میں تیرے قربان وے، ویہرے آوڑ میرے

لوکاں دے بھانے چاک مہیں دا
رانجھا تاں لوکاں وچ کہیندا
ساڈا تاں دین ایمان وے، ویہرے آ وڑ میرے
میں تیرے قربان وے ، ویہڑے آ وڑ میرے

شاہ عنایت سائیں میرے
ماپے چھوڑ لگی لڑ تیرے
لائیاں دی لج جان وے، ویہرے آ وڑ میرے
میں تیرے قربان وے ، ویہرے آ وڑ میرے

Bulleh Shah
بلھے شاہ

 

Uth Gaye Gawandhon Yaar Rabba Hun Ki Kariyea

Uth Gaye Gawandhon Yaar

اُٹھ گئے گوانڈھوں یار
رَبّا ہُن کیہ کریے

اُٹھ چلّے ہُن رہندے ناہیں
ہویا ساتھ تیار
رَبّا ہُن کیہ کریے

ڈاڈھ کلیجے بل بل اُٹھے
بَھڑکے بِرہوں نار
رَبّا ہُن کیہ کریے

بُلھا شَوہ پیارے باجھوں
رہے اُرار نہ پار
رَبّا ہُن کیہ کریے

اُٹھ گئے گوانڈھوں یار
رَبّا ہُن کیہ کریے

Bulleh Shah
بلھے شاہ

 

Saday Wal Mukhra Mor Wey Pyarya

Saday Wal Mukhra Mor

ساڈے ول مکھڑا موڑ
دے پیاریا
ساڈے ول مکھڑا موڑ

آپے لائیاں کنڈیاں تیں
تے آپے کھچ داہیں ڈور

عرش کُرسی تے بانگاں ملیاں
مُکے پے گیاں شور

ڈولی پا کے لے چلے کھیڑے
ناں کُجھ عذر نہ زور

جے مائے تینوں کھیڑے پیارے
ڈولی پا دیویں ہور

بلھا شوہ اساں مرناں ناہیں
وے مر گیا کوئی ہور

ساڈے وَلّ مکھڑا موڑ
دے پیاریا
ساڈے ول مکھڑا موڑ

Bulleh Shah
بلھے شاہ

Thanks to Mustafa Khan for contribution.



 

Mera ranjhan hun koi hor

Mera ranjhan hun koi hor

میرا رانجھن ہن کوئی ہور

تخت منور بانگاں ملیاں
تاں سنیاں تخت لاہور

عشقے مارے ایویں پھردے
جیویں جنگل وچ ڈھور

رانجھا تخت ہزارے دا سائیں
ہُن اوتھوں ہویا چور

بلھا شاہ اساں مرنا ناہیں
گور پیا کوئی ہور

میرا رانجھن ہن کوئی ہور

Bulleh Shah
بلھے شاہ

Kar Kattan Wal Dhayan Kurre

Kar Kattan Wal Dhayan Kurre

کر کتن ول دھیان کڑے

نت متیں دیندی ما دھیا
کیوں پھرنی ایں اینویں آ دھیا
نی شرم حیا نہ گوا دھیا
توں کدی تاں سمجھ ندان کڑے
کر کتن ول دھیان کڑے

چرخہ مفت تیرے ہتھ آیا
پلیوں نہیں کجھ کھول گوایا
نہیوں قدر محنت دا پایا
جا ہویا کم آسان کڑے
کر کتن ول دھیان کڑے

چرخہ بنیا خاطر تیری
کھیڈن دی کر حرص تھوریڑی
ہونا نہیوں ہور وڈیری
مت کر کوئی اگیان کڑے
کر کتن ول دھیان کڑے

چرخہ تیرا رنگ رنگیلا
ریس کریندا سبھ قبیلہ
چلدے چارے کر لے حیلہ
ہو گھر دے وچ آوادان کڑے
کر کتن ول دھیان کڑے

اس چرخے دی قیمت بھاری
توں کیہہ جانیں قدر گواری
اچی نظر پھریں ہنکاری
وچ اپنے شان گمان کڑے
کر کتن ول دھیان کڑے

میں لوکاں کر کھلیاں باہیں
نہ ہو غافل سمجھ کداہیں
ایسا چرخہ گھڑنا ناہیں
پھیر کسے ترکھان کڑے
کر کتن ول دھیان کڑے

ایہہ چرخہ توں کیوں گوایا
کیوں توں کھیہ دے وچ رلایا
جد دا ہتھ تیرے ایہہ آیا
توں کدے نہ ڈاہیا آن کڑے
کر کتن ول دھیان کڑے

نت متیں دیاں وللی نوں
اس بھولی کملی جھلی نوں
جد پوسی وکھت اکلی نوں
تد ہاہا کرسی جان کڑے
کر کتن ول دھیان کڑے

مڈھوں دی توں رجک وہونی
گوہڑیوں نہ توں کتی پونی
ہن کیوں پھرنی ایں نموں جھونی
کس دا کریں گمان کڑے
کر کتن ول دھیان کڑے

نہ تکلا راس کراویں توں
نہ بایڑ ماہل پواویں توں
کیوں گھڑی مڑی چرخہ چاویں توں
توں کرنی ایں اپنا زیاں کڑے
کر کتن ول دھیان کڑے

ڈنگا تکلا راس کرائے
نال شتابی بایڑ پوائے
جیونکر وگے تیویں وگالے
مت کر کوئی اگیان کڑے
کر کتن ول دھیان کڑے

اج گھر وچ نویں کپاہ کڑے
توں جھب جھب ویلنا ڈاہ کڑے
روں ویل پنجاون جاہ کڑے
مڑ کل نہ تیرا جان کڑے
کر کتن ول دھیان کڑے

جدوں روں پنجا لیاویں گی
وچ سیاں پونیاں پاویں گی
مڑ آپے ای پئی بھاویں گی
وچ سارے جگ جہان کڑے
کر کتن ول دھیان کڑے

تیرے نال دیاں سبھ سیاں نی
کت پونیاں سبھناں لئیاں نی
تینوں بیٹھی نوں پُچھے پئیاں نی
کیوں بیٹھی ایں ہن حیران کڑے
کر کتن ول دھیان کڑے

دیوا اپنے پاس جگاویں
کت کت سوت بھروٹے پاویں
اکھیں وچوں رات لنگھاویں
اوکھی کر کے جان کڑے
کر کتن ول دھیان کڑے

ایہہ پیکا راج دن چار کڑے
نہ کھیڈو کھیڈ گزار کڑے
نہ رہو وہیلی کر کار کڑے
گھر بار نہ کر ویران کڑے
کر کتن ول دھیان کڑے

توں ستیاں رین گزار نہیں
مڑ آونا دوجی وار نہیں
پھر بہنا ایس بھنڈار نہیں
وچ اکو جیڈے ہان کڑے
کر کتن ول دھیان کڑے

توں سدا نہ پیکے رہنا ایں
نہ پاس امبڑی دے بہنا ایں
بھا انت وچھوڑا سہنا ایں
وس پئیں گی سس ننان کڑے
کر کتن ول دھیان کڑے

کت لے نی کجھ کتا لے نی
ہن تانی تند انالے نی
توں اپنا داج رنگا لے نی
توں تد ہوسیں پردھان کڑے
کر کتن ول دھیان کڑے

جد گھر بیگانے جاویں گی
مڑ وت نہ اوتھوں آویں گی
اوتھے جا کے پچھوں تاویں گی
کجھ اگدوں کر سمیان کڑے
کر کتن ول دھیان کڑے

اج ایڈا تیرا کم کڑے
کیوں ہوئی ایں توں بے غم کڑے
کیہہ کر لینا اس دم کڑے
جدگھر آئے مہمان کڑے
کر کتن ول دھیان کڑے

جد سبھ سیاں ٹرجاون گیاں
پھیر اوتھوں مول نہ آون گیاں
آ چرخے مول نہ ڈاہون گیاں
تیرا ترنجن پیا ویران کڑے
کر کتن ول دھیان کڑے

کر مان نہ حسن جوانی دا
پردیس نہ رہن سیلانی دا
کوئی دینا جھوٹی فانی دا
نہ رہسی نام نشان کڑے

اک اوکھا ویلا آوے گا
سبھ ساک سین بھج جاوے گا
کر مدد پار لنگھاوے گا
اوہ بلھے دا سلطان کڑے
کر کتن ول دھیان کڑے

Bulleh Shah
بلھے شاہ

Bulleh Nu Samjhawan Aaiyaann Bhaena Tey Bharjayee-yan Lyrics

Bulleh Nu Samjhawan Aaiyaann Bhaena Tey Bharjayee-yan

Bulleh Nu Samjhawan Aaiyaann Bhaena Tey Bharjayee-yan
Man Lay Bulleya Sada Kena, Chad Day Palla Raaiyan

بلھے نوں سمجھاون آئیاں، بھیناں تے بھرجائیاں
من لے بلھیا ساڈا کہنا، چھڈ دے پلّا رائیاں

Bulleh Shah’s sisters and sisters-in-laws came to convince him.
Bulleya, please do as we tell you and leave the Arain’s (his guru’s) company.

آل نبی اولادِ علی نوں، توں کیوں لیکاں لائیاں

Aal e Nabi Ullad e Ali, Nu Tu Kyun Lee-kaan Laiyaan.

You are born into the family of prophet, you are heir of Ali,
So why do you ruin your family’s name like this.

جیہڑا سانوں سیّد سدّے، دوزخ ملن سزائیاں
جو کوئی سانوں رائیں آکھے، بہشتیں پینگھاں پائیاں

Jeyra Saanoun Syed Saday Dozakh Milay Sazaiyaan.
Jo Koi Saanu Raie Aakhe, Bhisti Peenghaan Paian.

Those who address me as Syed, shall be condemned to hell.
Those who address me as Raie, shall ride the swings in heaven.

آرائیں سائیں سبھنیں تھائیں، رب دیاں بے پروائیاں
سوہنیاں پرے ہٹائیاں نیں تے، کوجھیاں لے گل لائیاں

Raien, Saayin, Sabhin Thaayein, Rab Deyaan Bay Parwaaiyaan,
Sohniyaan Paray Hatayaan Tay, Khojeyaan Lay Gall Laiyaan.

Arain and masters are born at every place, God does not discriminate against anyone,
The lord is so carefree, That he neglects the beautiful (others) and hugs the ugly.

جے توں لوڑیں باغ بہاراں، چاکر ہوجا رائیاں
بلھے شاہ دی ذات کہہ پچھنایں، شاکر ہو رضائیاں

Jay To Lorain Baagh Baharaan ,Chaakar Ho Ja Araiyaan.
Bulley Shah Dee Zaat Kee Puchni, Shaakar Ho Razayaan.

If you seek the pleasure of a heaven in spring, go and become a servant of the Araiens,
O’ do not ask Bullah his caste; Be thankful and be content with the lord’s creation.

Reference: http://usama-aman.blogspot.com/2010/08/bulleh-nu-samjhawan-aaiyan.html

Bulleh Shah
بلھے شاہ

Moun Aayi Baat Na Rehndi Ay — Lyrics Video Bulleh Shah

Moun Aayi Baat Na Rehndi Ay
مُونہہ آئی بات نہ رہندی ہے

جھوٹھ آکھاں تے کچھ بچدا ہے
سچ آکھیاں بھانبڑمچدا ہے
جی دوہاں گلاں توں جچدا ہے
جچ جچ کے جیبھا کہندی ہے

مُونہہ آئی بات نہ رہندی ہے

جس پایا بھید قلندر دا
راہ کھوجیا اپنے اندر دا
او واسی ہے سُکھ مندر دا
جتھے کوئی نہ چڑھدی لہندی ہے

مُونہہ آئی بات نہ رہندی ہے

اک لازم بات ادب دی ہے
سانوں بات ملومی سبھ دی ہے
ہَر ہَر وچ صورت رب دی ہے
کتھے ظاہر ہے کتھے چھپیندی ہے

مُونہہ آئی بات نہ رہندی ہے

ایتھے دنیا وچ انھیرا ہے
ایہہ تِلکن بازی ویہڑا ہے
وڑ اندر ویکھو کیہڑا ہے
کیوں خلقت باہر ڈھونڈیندی ہے

مُونہہ آئی بات نہ رہندی ہے

ایتھے لیکھا پاؤں پسارا ہے
ایہدا وکھرا بھید نیارا ہے
اِک صورت دا چمکارا ہے
جیوں چِنگ دارو وچ پیندی ہے

مُونہہ آئی بات نہ رہندی ہے

کِتے ناز ادا دکھلائیدا
کِتے ہو رسول مِلائیدا
کِتے عاشق بن بن آئیدا
کِتے جان جدائی سہندی ہے

مُونہہ آئی بات نہ رہندی ہے

جدوں ظاہر ہوئے نور ہوری
جل گئے پہاڑ کوہِ طور ہوری
تدوں دار چڑھے منصور ہوری
اوتھے شیخی مینڈی نہ تیندی ہے

مُونہہ آئی بات نہ رہندی ہے

جے ظاہر کراں اسرار تائیں
سبھ بھل جاون تکرار تائیں
پھر مارن بلھے یار تائیں
ایتھے مخفی گل سوہیندی ہے

مُونہہ آئی بات نہ رہندی ہے

اساں پڑھیا علم تحقیقی ہے
اوتھے اکّو حرف حقیقی ہے
ہور جھگڑا سب ودھیکی ہے
اینویں رولا پایا بہندی ہے

مُونہہ آئی بات نہ رہندی ہے

اے شاہِ عقل توں آیا کر
سانوں ادب آداب سکھایا کر
میں جھوٹھی نوں سمجھایا کر
جو مورکھ ماہنوں کہندی ہے

مُونہہ آئی بات نہ رہندی ہے

واہ واہ قدرت بے پروائی ہے
دیوے قیدی دے سر شاہی ہے
ایسا بیٹا جایا مائی ہے
سبھ کلمہ اُس دا کہندی ہے

مُونہہ آئی بات نہ رہندی ہے

اس عاجز دا کیہہ حیلہ ہے
رنگ زرد تے مکھڑا پیلا ہے
جِتھے آپے آپ وسیلہ ہے
اوتھے کیہہ عدالت کہندی ہے

مُونہہ آئی بات نہ رہندی ہے

بلھا شوہ اساں تھیں وکھ نہیں
بِن شوہ تے دوجا ککھ نہیں
پر ویکھن والی اکھ نہیں
تاں ہی جان پئی دکھ سہندی ہے

مُونہہ آئی بات نہ رہندی ہے

Bulleh Shah
بلھے شاہ

Thanks to Syeda Aasma for sharing these lyrics and Link.

Youtube Arieb Azhar: Moun Aayi Baat Na Rehndi Ay